旅行前後

從歐洲返來之後覺得唔知邊度有D怪，但咩怪又講唔出，總之就係有D怪...
雖然去歐洲之前我已經計劃好下一次行程，再講對上次去日本之前又係已經計劃左去歐洲既野
呢件事諗落係好怪，黎緊既地方都未搵晒，已經book好再下次既機票 (咁通常都係book左機票先叫計劃左既，自己係度齋諗唔算...)，個頭仲間唔中飄左去下下次既計劃果度
去完個超短trip返黎，覺得仲怪....
唔，咩事呢...
雖然，自己賺到錢自己鐘意點用都得，(純粹感嘆下最近駛得多左)，咁閒時飛個短trip去下邊度都好...
啊，睇到D人係咪都的士搞掂呢，硬係覺得不知所謂，我從來都覺得去旅行唔應該係咁，去了解當地人生活都係旅行既一部分，下下都的士租車咁算點呢... (雖然果DXX 可能心諗自己有錢真係大晒....)
又下下都買到一箱二箱咁，又算點呢，見到都唔開胃
同堆大陸暴發戶有咩分別....

唔，又見到D人開拓D新旅遊路線，我去黎去去都係果D地方，大概好多人都會諗我悶唔悶，果D大城市去好多次都OK喎，田舎就真係一次夠，仲要千祈唔好留咁耐，唔係悶到咩咁，電視都少D野睇...
唔係丫，今次去果D地方都有趣呀，因為遷就某D野而要取捨下係好事，咁就可以去下新地方見下新野，如果唔係真係次次都同一條路←

歐遊記 (I)

今次最高興莫過於睇到「賣飛佛」

係呀，太過contemporary 我唔得，雖然我都鐘意impressionism，但最喜歡都係佢...

講起impressionism，今次去 Musée d'Orsay，大把以前學過既畫都睇到真跡....咁當然話真跡Louvre都好多...

Gaudi 又係非常得意...

有D野永遠都係睇相靚過親自去....

14首炮

時間返到好多年前，臨近畢業，目標係去歐洲旅行（咦，點解唔係搵份咩咩工，又或者係去邊度邊度升學？），而且為着這個目標，在Final Year努力補習賺錢（？），儲了大概二萬元 （好像是吧，年代久遠不記得了）。
結果呢？
沒有去。

好，回到現在。
你話想不想去歐洲？想，不過不是頭號目標，始終要去一次又要放長假又要計劃⋯⋯（歐洲去過，但只去過德國奧地利意大利），還有近年去日本去慣去熟，突然要去其他地方有點不慣。
唔，人這樣是不會進步的。
最後因為某航空公司的特價，衝了。又說，最初不是想去這些地方，但想去的又要再轉，轉完又轉，算，結果定了這三個地方。
好丫，三個國家都從未去過，超興奮。只是我既不會法語又不會西班牙語⋯⋯
還有，去了十幾天，算是有史以來最長的一次旅程。除了擔心治安外，結果也是沒有甚麼大場面要見，順利完成。
結論有很多，得慢慢寫⋯⋯

Birmingham Palace

Eiffel Tower

Sagrada Familia

旅行的意義

最近去的旅行，雖然目的非常明確，但倒不是只是做好那個就算。沒錯夜晚回去還是看電視，但日間的其他行程也是很重要 (不過沒甚麼心機仔細規劃...)
一年去幾次旅行，不是去到只隨便吃吃，吃完就購物吧，總有點甚麼應該做。
總覺得最近多了很多人，見yen平就瘋狂去日本。去到做甚麼呢？很閒沒事幹嗎？不過我也沒資格說甚麼，唔，自己不是就行。不過這樣每次遠征費用不菲，要想想辦法降低成本。如果遲些可能考慮某廉航飛羽田吧，反正第一晚最多住羽田就好...

說遠了。去旅行去到當地，不是應該了解別人的生活？當地風土人情？
對上那次，開始時我還是一貫的塞着耳朵 (雖然，唉呀，放頭還是放尾真的有差)。但之後發覺，咦，沒聽到別人說甚麼。除下耳筒，啊，一早應該這樣。

所以我一路覺得，要是去旅行還是只坐的士租部車，根本沒機會與本地人交流。交流的意思不是說要跟別人撘訕甚麼，而是聽聽別人的說話，了解一下當地的生活等等 (當然聽不聽得懂是一件事)。很多時候那堆自稱旅遊專家，到甚麼地方 (來來去去不是日本就是台灣泰國？)總是的士租車代步。唔，你跟那堆鴨仔團或沒去旅行有甚麼分別？去旅行不只是去到那些景點拍拍照就走吧？相上網大把大得看不是嗎？

講開又講，我看中的那對耳塞怎麼還未減價...

旅程目的

今次去日本，好大程度也是關今次去不了魔都事。啊，魔都不是沒去過，不過上次去沒吃到甚麼，本來如果這次去起碼可以吃得好一點。
還有，上幾次去日本行程實在太爛，上一次不說，再對上上上次看櫻花就不停要走來走去，又下雨又漏野...上上次去，話「睇紅葉」，真一個「車」字了得。上次嘛，「吾不欲觀之矣」(又，本來不是去那些地方，不過時間問題，唔，可惜)。今次總算執回一把砂，重拾去日本的樂趣...又給我發現平的內陸機，下次可以去我想去好久的地方了。

紅葉紀行．事前準備篇

剛開始變紅的嵐山渡月橋

要如何準備呢？
比想像中難。看人家的博，紅得一堆堆，相片都不好看。而且各家也有各家說法，沒人會說哪裏哪裏是必去的，最重要是看那個人去的那時紅葉程況如何，差幾天可以差很遠。但和櫻花不同，要拍得紅葉好其實更難，看相自然也不準確。在我去之前，搜集了不同日本網站的資料，共通的地方可以留意 - るるぶ、Yahoo 都有用。
其餘就去到再算，本來可以再就現場紅葉情況再調節行程先後，不過像我行程緊湊就改動機會不多...

我去京都那天不是這天，即是這塊東東不是每天更新，日子也不改，不過參考不妨。

其實自己一開始計劃時是想去關東的，關東也有紅葉有名的地方，不過查一查出發的日子，那時那邊的紅葉應該都掉了吧 - 才打消這個念頭。到頗後期才決定要去京都...

不要貪心一天想去太多地方，像我行動快的在日光時大概也只能去三到四個地方，最多夜晚再去看ライトアップ，也不過是多一兩個。也要小心自己體力能不能應付，要是一開始去得太盡之後頂唔順病左 (或更差自己放棄)咁就唔好啦。呢D就係考驗大家「根性」時既候。

大概一般人去京都自由行也會買500 yen的一天巴士券。在旅遊季時勸各位盡量不要坐巴士，和避開當地的周六日。好像今年上星期五六日三連休，人多到變態，不想跟當地人迫的話就平日去。本來我一向不喜歡坐巴士，要聚精會神看自己去到甚麼地方，而且京都巴士站一般很多，一個景點坐到第二個景點起碼半小時。還有，去到沒有很多車經過的景點，分分鐘上不到車。我去時就是平日下午也迫了第二班才上到，還要之後的站的人一路上不到...係，巴士券500 yen係平，但有用先得架。旺季時根本用唔着，仲綁手綁腳，迫住自己一定要撘巴士，變通不能，阻慢行程。好似我行動快既就買pass最好。pass有好多種，唔，最緊要睇自己需要，唔一定要跟人買kansai thru pass。有D市內一日券冇咁貴，如果唔會兩個地方移動就無謂買。

住的方面，之前住過兩次京都，今次住大阪，大阪夜晚條街多好多野做，京都就冇乜。不過無論係點，住既地方一定要近車站，近地鐵站就最好。住近京都JR其實冇乜着數，景點又唔集中係果邊，係都揀四条起碼夜晚旺D。玩完一輪夜晚返去如果仲要行好耐/好耐先有車去果度都幾麻煩。仲有，如果出下去發現拎漏野都唔方便返去拎。

行方面，今次撞到的香港人教我買張sim 3980yen只可上網。其實如果幾個人去，大家用line/whatsapp方便聯絡，一個人也可以用來上上google map。最好裝多個指南針apps，睇地圖超有用 (除非你唔識睇地圖，咁就乜都唔駛，報團算啦)。

睇天氣呢D唔駛講啦，大家識字會查天氣gum ma。去到11月得果四、五度仲要落雨，出發前香港仲係廿X度.... (そんなさむくねえっていわれたんだけど、めちゃさむかった！まぁ、コートをきてたんだからだいじょうぶが。)

題外話：鑽石山同屯門開左間話係京都黎既抹茶甜品店，個名好hea，上網一查原來真係有...

あ、さみしいな。さいごのほうもたべちゃって、このたびもおわちゃったな。でも、さよならからあたらしいであいがあるよ！ 

台灣行感想

一口氣將寫好的遊記搬過來，除了覺得「咦，都叫寫得OK」之外，就係「咦，乜次次去旅行都咁辛苦呀」唔，係啦，點解呢真係。辛苦得黎叫多野睇/多野食到/去到好想去既地方都話，台灣去過咁多次都真係冇乜呢D地方，下次都唔知幾時再黎先好。不過呢，下次再黎應該都係咁辛苦...所以要揀D值既地方，唔好side料。

去旅行辛苦過返工真係搵黎搞，次次返到黎都周身痠痛，明明一日D時間都未用得完←

但太HEA既地方我又實在頂唔順。D人太HEA亦都唔得，我呢D心急既香港人實在無耐性...

forro呼嚕咖啡

台中的落腳點，因為見這裏有單人房，位置又方便... 唔記得影間房張相添，雖然細細地，但麻雀俱全，至少毛巾呀洗頭水都不缺。要看相可點這裏 。
下面係cafe二樓是民宿，下午來check-in時有點吵...到晚上回來時還有客人耶。懂騎綿羊仔真好...又，可以用綿羊仔代步也好，香港嘛，太危險了...

 在這裏住會送一張折扣券，可抵NT$120的餐飲/食品。回來時都過十點，不好喝咖啡，要了件cheesecake...(謎：你今次食左幾多件cheesecake?)

夜晚吃不下，第二朝又要早起，就這樣放室溫到明天早上在機場食，沒肚痛。說回味道，濃郁且有很香雲呢拿味 (人家也有下雲呢拿籽的哦)。
如果真的再來台中又沒找到地方住，應該會再來這邊...

目覺咖啡

飲完朱古力出黎天都全黑了。

呢幢咁型既東東就係其中一間想去既mojo，離遠望埋去，冇客但又燈火通明既？行埋去睇，星期日開到六點？下....我check果陣好似冇話咁早喎...雖然原本係諗住放低行李就去的。
行下行下，去到下一站 (原來都幾遠，又或者我個人好攰，行得好慢，睇地圖頂多四個字...)

趟大的一家店，我常常說空間很重要，店子像鵪鶉大小的怎也放鬆不來，去cafe就是要放鬆吧。甜點選擇較少，布丁甚麼的還是pass了 (還要留錢明天去機場...)。咖啡一來到，咁大杯既？只係最普通既latte，又唔係加左shot。香港通常都只會比8oz...

好新呀 (其實呢本我司都有訂，呢本係最新一期囉)

呢本講日本溫泉宿。

慕夏 mucha

飯後當然是在台中市散步一下，本來想去的地方只去了三處，剩下的嘛...不過又說，好像我和台中八字不合，下次要直接跳過...
上次來台中時去了AGIO，今次就試這家慕夏 mucha。

沒有蛋糕只有巧克力，結果點了最普通的熱巧克力試一試 (其實這裏還有莊園級的熱巧克力...但好像冒險了點...)

那團泡有點搞笑，喝下去，咦，ok喎！因為平時也有在家弄熱巧克力 (註：不是熱可可)的習慣，又簡單又比外面味道好，材料只有奶和巧克力，坦白說只要巧克力夠好就行，更不用說有些平平咖啡店只用syrup + 奶就算。這裏的香氣足且不單調，濃稠度適中，喝到最尾不會「漏」，只賣NT$125。(別忘記香港某兩間專賣巧克力的本地牌子都在賣HK$45...有一家還稠得跟溶巧克力沒兩樣)
對了，那天逛過幾家大百貨公司的超市，發覺在台灣買外國食材不比香港便宜，有些甚至更貴，為甚麼人家可以用更高級的材料而香港(ry
好像茶，雖然少但也有咖啡店用Mariage Frères。香港？都唔知有幾多人聽過，仲要俾人問返轉頭添。
又有單車放在店內...

在播放製作巧克力的過程。