北海道之旅 - Day 4

豐富的早餐，食完成個精神爽。唯一要彈既係度度d咖啡都麻麻，不過算啦，飲奶。


好吃的cereal，不知香港有冇得賣？

蘆薈，一塊塊的，清甜有o者哩味。

橙味o者哩。之前還有隻巨峰提子味...

酒店望出去的景其實不錯。

食左幾日，今天來個運動先，四月札幌的滑雪場還未關。



另外覺得好爆既係呢樣：

真係用得架喎！

一杯只賣100yen的綠茶雪糕，又係時候話香港點解沒有了。
說來在花旗未滑過雪，今次點都比錢試下。積雪仲好厚，不過其實已經係十幾度，初學之下成日又跌又爬起身又走黎走去，好累的說，不過真係滑到 (雖則係短短的從上圖黑衫人企個位滑落黎)，幾好玩~

中午返到札幌市區購物：

影得最繁榮既一張，其他地方嘛，冇咩野睇。

札幌"馬尺"，好多大百貨公司都係呢邊，包括大丸、西武、東武同埋賣電器既bic camera，大部分都有折扣，又有退稅，實在是太抵了，只可惜時間唔夠，唔係掃返d 電器返黎都好。

札幌時計台，連星記杯都係用呢個做標記，地標一個吧。

行過街原來big echo是日本來的...香港現在執晒沒有？

札幌有賣香港的廣告，但...點解係逃避行？

買過要買的東東，可以去行百貨公司了。名牌甚麼的不看，省下好多時間。成個三越地底都是cake shop，真係睇到嘩一聲...





再戰LeTAO的pudding，有幾層的，總之食落香濃軟滑，賣315yen。


另外再多買了一件蛋糕，純粹覺得漂亮...當然味道是不錯的。但最令人感動的是包裝的態度。

我只買一件，但都整到咁靚，又比冷凍袋，還有那些紙筒，包沒走位。在香港的酒店買兩件餅，求其幫你放入盒就算，返到屋企真係變晒形...

行行下，見到行人路有隻企鵝，唔知佢旁邊既人係咪想抗議，在派leaflets...

在街上看到的，好爆。

到晚餐。

鐵板燒，吃得飽就是了，最欣賞的是白飯任裝，粒粒珍珠米好好食呢。

團友加錢要的神戶牛牛，北海道也有著名的和牛，不知為甚麼要吃神戶的。成6500yen一塊。

比拳頭還大的鮑魚，我怕胃頂著沒吃。6000yen per one。

食飽飽又返酒店浸溫泉。