Travelogue: 2012

Saturday, December 1, 2012

旅程目的

今次去日本，好大程度也是關今次去不了魔都事。啊，魔都不是沒去過，不過上次去沒吃到甚麼，本來如果這次去起碼可以吃得好一點。
還有，上幾次去日本行程實在太爛，上一次不說，再對上上上次看櫻花就不停要走來走去，又下雨又漏野...上上次去，話「睇紅葉」，真一個「車」字了得。上次嘛，「吾不欲觀之矣」(又，本來不是去那些地方，不過時間問題，唔，可惜)。今次總算執回一把砂，重拾去日本的樂趣...又給我發現平的內陸機，下次可以去我想去好久的地方了。

Tuesday, November 27, 2012

紅葉紀行．事前準備篇

剛開始變紅的嵐山渡月橋

要如何準備呢？
比想像中難。看人家的博，紅得一堆堆，相片都不好看。而且各家也有各家說法，沒人會說哪裏哪裏是必去的，最重要是看那個人去的那時紅葉程況如何，差幾天可以差很遠。但和櫻花不同，要拍得紅葉好其實更難，看相自然也不準確。在我去之前，搜集了不同日本網站的資料，共通的地方可以留意 - るるぶ、Yahoo 都有用。
其餘就去到再算，本來可以再就現場紅葉情況再調節行程先後，不過像我行程緊湊就改動機會不多...

我去京都那天不是這天，即是這塊東東不是每天更新，日子也不改，不過參考不妨。

其實自己一開始計劃時是想去關東的，關東也有紅葉有名的地方，不過查一查出發的日子，那時那邊的紅葉應該都掉了吧 - 才打消這個念頭。到頗後期才決定要去京都...

不要貪心一天想去太多地方，像我行動快的在日光時大概也只能去三到四個地方，最多夜晚再去看ライトアップ，也不過是多一兩個。也要小心自己體力能不能應付，要是一開始去得太盡之後頂唔順病左 (或更差自己放棄)咁就唔好啦。呢D就係考驗大家「根性」時既候。

大概一般人去京都自由行也會買500 yen的一天巴士券。在旅遊季時勸各位盡量不要坐巴士，和避開當地的周六日。好像今年上星期五六日三連休，人多到變態，不想跟當地人迫的話就平日去。本來我一向不喜歡坐巴士，要聚精會神看自己去到甚麼地方，而且京都巴士站一般很多，一個景點坐到第二個景點起碼半小時。還有，去到沒有很多車經過的景點，分分鐘上不到車。我去時就是平日下午也迫了第二班才上到，還要之後的站的人一路上不到...係，巴士券500 yen係平，但有用先得架。旺季時根本用唔着，仲綁手綁腳，迫住自己一定要撘巴士，變通不能，阻慢行程。好似我行動快既就買pass最好。pass有好多種，唔，最緊要睇自己需要，唔一定要跟人買kansai thru pass。有D市內一日券冇咁貴，如果唔會兩個地方移動就無謂買。

住的方面，之前住過兩次京都，今次住大阪，大阪夜晚條街多好多野做，京都就冇乜。不過無論係點，住既地方一定要近車站，近地鐵站就最好。住近京都JR其實冇乜着數，景點又唔集中係果邊，係都揀四条起碼夜晚旺D。玩完一輪夜晚返去如果仲要行好耐/好耐先有車去果度都幾麻煩。仲有，如果出下去發現拎漏野都唔方便返去拎。

行方面，今次撞到的香港人教我買張sim 3980yen只可上網。其實如果幾個人去，大家用line/whatsapp方便聯絡，一個人也可以用來上上google map。最好裝多個指南針apps，睇地圖超有用 (除非你唔識睇地圖，咁就乜都唔駛，報團算啦)。

睇天氣呢D唔駛講啦，大家識字會查天氣gum ma。去到11月得果四、五度仲要落雨，出發前香港仲係廿X度.... (そんなさむくねえっていわれたんだけど、めちゃさむかった！まぁ、コートをきてたんだからだいじょうぶが。)

題外話：鑽石山同屯門開左間話係京都黎既抹茶甜品店，個名好hea，上網一查原來真係有...

あ、さみしいな。さいごのほうもたべちゃって、このたびもおわちゃったな。でも、さよならからあたらしいであいがあるよ！

Friday, November 23, 2012

台灣行感想

一口氣將寫好的遊記搬過來，除了覺得「咦，都叫寫得OK」之外，就係「咦，乜次次去旅行都咁辛苦呀」唔，係啦，點解呢真係。辛苦得黎叫多野睇/多野食到/去到好想去既地方都話，台灣去過咁多次都真係冇乜呢D地方，下次都唔知幾時再黎先好。不過呢，下次再黎應該都係咁辛苦...所以要揀D值既地方，唔好side料。

去旅行辛苦過返工真係搵黎搞，次次返到黎都周身痠痛，明明一日D時間都未用得完←

但太HEA既地方我又實在頂唔順。D人太HEA亦都唔得，我呢D心急既香港人實在無耐性...

forro呼嚕咖啡

台中的落腳點，因為見這裏有單人房，位置又方便... 唔記得影間房張相添，雖然細細地，但麻雀俱全，至少毛巾呀洗頭水都不缺。要看相可點這裏。
下面係cafe二樓是民宿，下午來check-in時有點吵...到晚上回來時還有客人耶。懂騎綿羊仔真好...又，可以用綿羊仔代步也好，香港嘛，太危險了...

在這裏住會送一張折扣券，可抵NT$120的餐飲/食品。回來時都過十點，不好喝咖啡，要了件cheesecake...(謎：你今次食左幾多件cheesecake?)

夜晚吃不下，第二朝又要早起，就這樣放室溫到明天早上在機場食，沒肚痛。說回味道，濃郁且有很香雲呢拿味 (人家也有下雲呢拿籽的哦)。
如果真的再來台中又沒找到地方住，應該會再來這邊...

目覺咖啡

飲完朱古力出黎天都全黑了。

呢幢咁型既東東就係其中一間想去既mojo，離遠望埋去，冇客但又燈火通明既？行埋去睇，星期日開到六點？下....我check果陣好似冇話咁早喎...雖然原本係諗住放低行李就去的。
行下行下，去到下一站 (原來都幾遠，又或者我個人好攰，行得好慢，睇地圖頂多四個字...)

趟大的一家店，我常常說空間很重要，店子像鵪鶉大小的怎也放鬆不來，去cafe就是要放鬆吧。甜點選擇較少，布丁甚麼的還是pass了 (還要留錢明天去機場...)。咖啡一來到，咁大杯既？只係最普通既latte，又唔係加左shot。香港通常都只會比8oz...

好新呀 (其實呢本我司都有訂，呢本係最新一期囉)

呢本講日本溫泉宿。

慕夏 mucha

飯後當然是在台中市散步一下，本來想去的地方只去了三處，剩下的嘛...不過又說，好像我和台中八字不合，下次要直接跳過...
上次來台中時去了AGIO，今次就試這家慕夏 mucha。

沒有蛋糕只有巧克力，結果點了最普通的熱巧克力試一試 (其實這裏還有莊園級的熱巧克力...但好像冒險了點...)

那團泡有點搞笑，喝下去，咦，ok喎！因為平時也有在家弄熱巧克力 (註：不是熱可可)的習慣，又簡單又比外面味道好，材料只有奶和巧克力，坦白說只要巧克力夠好就行，更不用說有些平平咖啡店只用syrup + 奶就算。這裏的香氣足且不單調，濃稠度適中，喝到最尾不會「漏」，只賣NT$125。(別忘記香港某兩間專賣巧克力的本地牌子都在賣HK$45...有一家還稠得跟溶巧克力沒兩樣)
對了，那天逛過幾家大百貨公司的超市，發覺在台灣買外國食材不比香港便宜，有些甚至更貴，為甚麼人家可以用更高級的材料而香港(ry
好像茶，雖然少但也有咖啡店用Mariage Frères。香港？都唔知有幾多人聽過，仲要俾人問返轉頭添。
又有單車放在店內...

在播放製作巧克力的過程。

田樂

搵返電話之後，坐巴士返去台中sogo那邊，最近還新開了金典綠園，底層還有誠品呢。另外，台中的巴士是計里數的，所以上下車也要拍卡，台北的yoyo card在這邊也可以用哦。
行左一陣商場，往晚餐地點進發。田樂是台中一間新開頗受歡迎的店舖，訂位也有一星期前才可訂的限制。我去到的時候有點遲，連位也冇了...囧。

應該是老房子改建吧，非常有性格哦。

後來雖然是有位了，但出餐慢也是台灣一向的特色，從坐下到有得吃大概有半個鐘吧。晚餐時間沒有鬆餅，只單點了個田樂牛肉堡。牛肉本身不是很多汁，肥肉少，但汁勁好味，非常有誠意的漢堡。

樓梯底是洗手間，一點也不像老房子的裝修，這不是更好嗎。
【台中】for Farm Burger。田樂二訪。漢堡好滋味
田樂漢堡鬆餅 for farm/老房子漢堡店‧台中

樂麵屋

樂麵屋算是較早從日本來的拉麵店，早就在這裏看到。既然酒店附近有，那就不用拿着行李到台北車站吃花月嵐了 (雖然中間也在西門町看到花月嵐的分店)。麵家三士也想去，第一天有經過，下次再去吧。
台灣吚一個優點是吃日本野有日本八成水準，價錢卻可以低一半，而且又可以用中文點餐，不像香港，比日本貴，質素卻可能沒有一半。
在門口等下等，又冇講自己幾點開門，食完魯肉飯回來又沒胃納去其他地方坐，行到蜂大咖啡又驚見人龍 (全條都係香港人呀唔該)，冇辦法唯有繼續等。十一點半正式開門了。

二郎風甚麼的，吃完大概第二天回香港還覺得有那陣味，不用了，點個普通的拉麵就好。

叉燒同蛋都遮晒。看湯底，這才像樣子嘛，又不會一味得個肥字，叉燒入味鬆化，蛋是超水準，總之這樣的價錢吃到這碗拉麵，抵！比日本有名的店是差一點點喇，但c/p值爆棚，好過係香港比雙倍價錢仲要排隊排餐矇既...

金峰魯肉飯

第三日起身，今次就特登早D，終於唔駛同一大堆香港人迫。以前流放時去旅行，住的hostel通常包早餐，有次問個香港一齊去既朋友，呀，上次你去邊度住果間D早餐點？答曰，未食過，遲起身云云。唔，果個已經係捱得同埋成日周圍去既人。我聽到果刻係，eh? 點解唔起身食早餐？果陣又唔識分好唔好食啦，有就梗係要食啦係咪先。
香港人普遍都係遲起身既，好似早餐至十點，大概會9:55先衝落黎食早餐。(你如果睇到呢度覺得「咦，我係早起身既，我咪好勁？」，你諗多左喇。早起身之嘛，唔好當係相睇要曬自己優點冇野講先攞出黎講啦，有乜大不了。) 咁ARM住正間咁多香港人既酒店，唯有自己早D啦。七點幾起身就差唔多。
返正題，之前貼過，早餐食左少少，出去再食過。

上網睇人介紹魯肉飯，一定有呢間，雖則出名既係肥肉不少，不合我心，不過既然大家也讚，試一次不妨。

燙一碟青菜，加隻蛋，中碗魯肉飯，只要NT$65。另外，用餐時間人一定多，但這樣的小食店居然八點就開，不介意早餐吃飯就早點來吧。
說回那碗飯，的確肥肉是全肥的肥膏，平時我就一定全挑出來，但既然這是人家的賣點，那吃吧！eh，不慣吃肥膏，咬下去時有點想吐...，味道嘛，和飯跟瘦肉一起吃也不覺好肥，但那個質感...味道好那是一定的，那個汁跟肉入味得很，飯也不差，也不枉特意過來只吃一碗飯。蛋一般。
感想：如果大部分都係瘦肉就好D。當地人推介另一家魯肉飯叫「三元」，冇咁肥，下次去試先。

找到咖啡

終於寫到第二晚...(見家鄉喇！)

食埋216粉圓之後，其實個人都幾攰，加埋抽住既一抽二袋鳳梨酥，開始有D酸痛，而且又有少少毛毛雨 (開遮又唔係唔開又唔係果種)。都係返酒店放低D野先啦。

返酒店之前其實又兜左一輪先搵到訂左博客來的7-11 (睇地圖信唔過，其實幾廿間都好近，果度附近有N間7-11，兜左一大輪問左兩間先搵到間門市...)。拎埋書返酒店，又係上陣網抖順氣，有掙扎出唔出的，不過以我性格，又點會真係八點就收工呢。

本來照原定計劃，應該下午就去一趟永康街，晚上再回東區吃飯，但考慮到車費問題 (我又錯了，小看了自己的腳程，一早應該買D幾日pass。原本照計劃唔會去太遠既地方就諗唔太抵，點知自己去下去下，車費都唔平。)，下午都留在東區到晚飯，回酒店過後都成七點多，雖然不少咖啡館仍有營業，但胃納有限，只有特登為一間出門坐捷運走路過去永康街...

找到咖啡，Café trouvé，是一楝日式老房子改建，環境一流，晚上不少學生聚集，是有點嘈喇。

又話食唔落又叫蛋糕....一件可能是NT$90的冷藏白酒檸檬起司蛋糕，看人家也有擺盤和裝飾，你看香港的咖啡店，收人家一倍價錢，連圍邊的膠紙都不拆就原個放在碟上奉客 (ry

espresso 就差一點，咖啡應該不是這裏的強項。這裏賣的是氣氛和地點吧。

休息一下，將近十點，走人。

麻膳堂

未去時以為又是一般古老台灣小食店，一去到，咦，似拉麵店多D喎，門口仲有一堆人，要等位？
原來唔係，好在。
入到去，冇咩其他arm食，又唔好意思只吃麻醬麵，就加了個蒸餃。NT$60有10隻，多了點，味道幾好，不過沒驚人之處。

唔知台灣係咪冇所謂既擔擔麵，呢碗(NT$65)其實同擔擔麵既味差不多，但就真係好好食。碗邊有少許辣油，撈勻後香麻醬一起吃，超香。台灣食材好，麻醬願意買貴一點的就很好吃，香港食黎食去味只會又係果款。麵比一般的好，夠粗和厚身，不會一陣味。還有，這碗沒有蔥類物體，太好。

聽隔離既台灣人對話聽到呢間的牛肉麵應該很不錯，有機會大家都可以試下。
延伸：
【台北】麻膳堂麵.餃子.炒飯 - 超級好吃的麻醬麵、麻辣牛肉麵

同心 + 騷豆花 + 216粉圓

食完午飯飲完咖啡，又返去忠孝復興sogo果邊。每次去到，總見到呢間野排隊，雖然唔係日本仔見到「行列店」就會驚為天人，不過有人排隊應該係信心保證(?)。

好食喎果然！只係NT$20，香港比較少呢䫶紅豆餅。呢個芋頭呢，芋頭味好香。皮唔會一陣味同埋勁厚，剛剛好 (試過就知城市超級賣既簡直係....:X) 其實香港點解咁少芋頭餡既野賣呢？包之類直頭冇....(中式蒸既都係近年先有)。

騷豆花就係間好受日本人歡迎既舖頭，去到見牆上全部都係日文既留言。配撘當然係(大量)生果加豆腐花啦。今次又食到豆味香又唔「鞋」既豆腐花了。